اس وقت بلجئم صنعتی اعتبار سے دنیا کے اہم ترین ممالک میں سے ایک ہے بلجئم میں زیادہ تر مختلف اقسام کے کیمیکل تیار ہوتے ہیں جو کے پاکستان سمیت دنیا کے بے شمار ممالک کو ایکسپورٹ کئے جاتے ہیں اس کے علاوہ بلجئم میں ہیروں کی کٹنگ اور ان کی پالش کے بہت سے کارخانے لگے ہوئے ہیں جب کہ فوڈ پروسسنگ اور شیشے کے بھی کارخانے لگے ہوئے ہیں اس کے علاوہ بلجئم اسٹیل کے کارخانے بھی لگے ہوئے ہیں یہ بات قابلِ زکر ہے کہ بلجئم کی ضرورت بھر کی بجلی کا اسی فیصد حصہ اس کے ایٹمی بجلی گھروں کے زریعے حاصل کیا جاتا ہے جبکہ بلجئم کی بنی ہوئی شراب یورپی ممالک میں بہت مشہور ہے ۔
آج جب دنیا کے سامنے یورپ کے اس چھوتے سے ملک کے بارے میں بتایا جاتا ہے تو یہبات باعث حیرت ہو جاتی ہے مگر سچ اور حقیقت یہ ہی ہے کہ بلجئم جو کہ اگر چے رقبے کے اعتبار سے اپنے ہمسایہ ممالک کے مقابلے میں کچھ زیادہ بڑا نہیں ہے مگر یورپ کے وسط میں اور جرمنی، فرانس اور ہالینڈ کی سرحدوں کے ساتھ واقع ہونے کی وجہ سے بہت زیادہ اہمیت کا حامل ہے اس کے باوجود بلجئم کے عوام نے اسی پر اکتفا نہیں کیا بلکہ دن رات محنت کرکے اپنے ملک کو دنیا کے ترقی یافتہ ممالک کی صف میں شامل کرلیا ہے جس کی وجہ سے آج بلجئم کے عوام دنیا بھر کے عوام کے درمیان عزت اور وقار کے ساتھ زندگی بسر کررہے ہیں
TTTTTTT
